星期五放工之後~就要即刻趕去上環既港澳碼頭.... 因為我要做埋D手尾至走得,所以搞到6點40分至走得... 好彩同事幫手~如果唔係仲未走得呀=,=" 點知咁岩堅尼塞車~仲未到尖沙咀~咁我就走左去天星碼頭開下幾點有船香港區個邊... 咁岩問左個嬸嬸~佢話""如果你搭船都得,不過落左船都要行成30分鐘至到港澳碼頭架,如果你趕時間應該搭地鐵,因為一出地鐵站就到"" 聽左之後嚇左一跳呀 因為個時已經差唔多成7點喇~但係我地係搭7點45分船架,仲要7點半就唔比再入閘架喇~~ 所以唯有我地即刻走去地鐵站~好彩趕得切,加上落大雨~架船都delayed左呀 去到酒店都成9點喇...雖然<<維景>>比我想像中冇咁靚~但係入面都好舒服呀 下次我反而想試下<<金龍>>呀~因為真係靚好多呀 之後走左去酒店樓下食左d野,食完之後就行左去利澳個賭場玩下... 嘻嘻.... 去到好緊張呀~因為咁大個女都未試過入賭場丫... 最細仲要係要賭100蚊~ 我最識都係玩百家樂...同d叔叔對賭... 次次唔係開8點就係9點呀~哈哈哈哈.....連羸5鋪.... 羸左4百蚊就走喇....返去酒店早d休息聽日再去第二度玩過... 第二朝本身有免費早餐buffet食架...不過太眼訓未去食到..蝕左~"~ 不過一定要係12點前check out, 所以11點幾就要準備執返d野走喇..... 走左去附近食d野....飲茶...好好味 晏多少少見澳門冇乜落雨~即刻搭車去路環小型賽車場.... 真係蝕左呀~搭的士都搭左60幾蚊=,=" 其實去澳門玩最大好處就係好多免費巴士搭~之後至識好好利用~ 因為澳門d賭場同酒店周街都係,而佢地又為左吸引人地去玩去住~所以間間都差唔多提供免費旅遊巴士接送.... 而好玩既地方都係酒店同賭場附近~所以利用個D免費巴士~去到附近再行過去仲抵好多呀!! 去到小型車場~佢地如果係玩就要快D喇~因為差唔多要落雨~落雨就唔比玩架喇 其實我覺得都幾貴~不過堅尼話到珠海都差唔多咁既價~而又一場黎到~ 最終都玩左~我地揀左每人一架車~180蚊一個人...玩20分鐘 聽落好似好少時間~但係我覺得好似玩左成粒咁....又好驚會翻車~成日唔敢踩盡油呀 不過總括黎講~都好好玩呀!! 如果再多D人~仲好玩添呀 之後去左<<威尼斯人>>....嘩....個度真係超級靚呀~靚到個度唔會似賭場呀 個賭場又超級大..成個拉斯維加斯咁~真誇張呀 入個大運河購物中心又超級令~好似真係去左威尼斯咁..... 之後5點幾影完相~就走左搭個D接駁免費巴去金沙度食自助餐~我個時至知原來威尼斯人同金沙係同一間公司黎架~只係唔同名咁解... 因為個個人都話金沙食自助餐好抵食~又多野食~D生蠔又大隻~又肥美 每位大約218蚊~但係我覺得都好多野食揀呀~ 去到第一時間揀左好多生蠔食呀~我食左成打~哈哈哈哈哈.... 跟住仲要好多魚生~長腳蟹~等等..... 之後係下面個度行左一陣~再hea多陣都差唔多夠鐘要去搭船走喇>.<" 臨尾去埋咀香園咀香園買手信買手信呀~~ ___________________________________________________________ 
e度就係威尼斯人入口,個天花,真係好靚..^^ 
<大運河購物中心>d景好令好真... 
我好似係威尼斯大街,嘻嘻.... 
 我同老公堅尼
真人立像,E個係真人黎架,,,我睇左好耐,佢真係唔會郁架 
我唔敢同佢合照,~因為我怕佢突然嚇我~"~ 
好靚好高既燈柱 
假到好真既天同景色 
金沙自助餐入口~擺設好令喲=] 
路經百佰伴見到好大隻哈佬吉蒂 ==================================================== 人比人
別人負責接送 但我那個 即使約會時 都不會沿路照料
別人逗女友笑 但我愛人 忘掉了 莫非他的開心比我更緊要
＊環觀身邊的姊妹 有些不快樂 男伴們亦過份的敏感
比較下去 他雖不細心 誠實及耐性 卻全部也得到滿分
＃無謂相比 男友怎會都一樣
無謂抱怨 另一位比較理想
難道今天 才明白何謂真愛
就是要....能承受對方的不理想
他始終有自己 優點跟缺陷 誰也沒法 共誰來比
若叫他將我們比 或者他會揀你
（若各位將我們比 或者都會生氣）
別人日也報到 夜也報到 斟水也待勞 他不會同樣照做
別人話我愛你 但我愛人 從未說 莫非他的真心假設我知道
Repeat ＊,＃,(＃) 永無法人比人,因你是獨有
| 
搞笑~
